BOOK DETAILS

ဆားပုလင်းနှင်းမောင်နှင့်မြိုင်မဟာမမြလေး

Language : မြန်မာ
File Info :  

epub, kfx


မြန်မာပြည် စုံထောက်လောကရဲ့ အတော်ဆုံးစုံထောက်၊ မျက်နှာဖြူအရာရှိတွေကို ပမာမခန့် ပြောဆိုဆက်ဆံတတ်တာကြောင့် ဘယ်တော့မှ ရာထူးမတိုးခဲ့ပေမဲ့ ပြည်သူလူထုရဲ့ အသက်အိုးအိမ် စည်းစိမ်ဥစ္စာ လုံခြုံရေးအတွက် မျက်နှာဖြူလက်အောက်မှာ စုံထောက်တစ်ယောက်အဖြစ် အလုပ်လုပ်နေခဲ့သူ၊ ပြည်သူ့အချစ်တော် ဥပဒေဘက်တော်သား ဆားပုလင်းနှင်းမောင်။ ဆားပုလင်းနှင်းမောင် လိုက်ခဲ့တဲ့ အမှုတွေထဲကမှ မြိုင်မဟာ မမြလေးအမှုဟာ ခက်ခဲနက်နဲပြီး မြန်မာပြည်စုံထောက်အဖွဲ့တစ်ဖွဲ့လုံး ခေါင်းခြောက်ခဲ့ရတဲ့ အမှုပါပဲ။ ဒီအမှုရဲ့ အဓိက တရားခံ အငြိမ့်မင်းသမီး မမြလေးနဲ့ ဆားပုလင်းနှင်းမောင်ကို ဖူးစာဆုံစေချင်ကြတာ ဒီစာအုပ်ကို ဖတ်ဖူးသူတိုင်းပါပဲ။ မမြလေးကလည်း ‘ကိုနှင်းမောင်လို ယောက်ျားမျိုးကိုမှ မရရင် ဒီတစ်သက် အိမ်ထောင်မပြုတော့ပါဘူး’ လို့ ပွင့်ပွင့်လင်းလင်း ပြောခဲ့တယ်မဟုတ်လား။ ဆားပုလင်းနှင်းမောင်က မမြလေးစကားကို ဘယ်လို တုံ့ပြန်ခဲ့သလဲ၊ ချောမောလှပပြီး နာမည်ကျော်ကြားတဲ့ အငြိမ့်မင်းသမီး မြိုင်မဟာမမြလေးရဲ့ ဘဝနောက်ကြောင်းမှာ ဘယ်လို နာကြည်းမှုတွေ ရှိခဲ့မလဲ၊ လူသတ်မှုတွေရဲ့ ကွင်းဆက်တွေကို ဆားပုလင်းနှင်းမောင်က ဘယ်လို သဲလွန်စကောက်ပြီး တရားခံကို လက်ထိပ်ခတ်ခဲ့သလဲ ဆိုတာတော့ ဆရာမင်းသိင်္ခရဲ့ နာမည်ကျော်ဝတ္ထုတစ်ပုဒ်ဖြစ်တဲ့ ဆားပုလင်းနှင်းမောင်နှင့် မြိုင်မဟာ မမြလေး လျှို့ဝှက်သည်းဖို မှုခင်းစုံထောက်ဝတ္ထုရှည်မှာ ဖတ်ရှုရင်း ဉာဏ်ကစားကြပါစို့။

About Author

မင်းသိင်္ခ
10 Books

မင်းသိင်္ခ (၁၉၃၉−၂၀၀၈) သည် ဗမာလူမျိုး စာရေးဆရာနှင့် ဗေဒင်ပညာရှင် ဖြစ်သည်။ မင်းသိင်္ခသည် တီထွင်ကြံဆမှုရှိသော ဝတ္ထုတိုရှည်များကို နိုင်နင်းစွာဖွဲ့နိုင်သော စာအရေးအသားကောင်းသူ တစ်ဦးလည်းဖြစ်သည်။ စိတ်ကူးအထင်အမြင်ပြောင်းလဲခြင်းမှ စပြီး အတတ်ပညာများ၊ လက်တွေ့ရုပ်ဝတ္ထုများ နှင့် အောင်မြင်ပျော်ရွှင်မှုများ ရရှိနိုင်ပုံကဲ့သို့ စိတ်ပညာသဘောတရားများကို ပုဏ္ဏားဘကွန်း၊ ဖြစ်ချင်ရာဖြစ် မောင်ဘချစ်နှင့် ပြည်ကြီးမဏ္ဍိုင်မြကြီးစသော ဝတ္ထုများတွင် ထည့်သွင်းဖော်ပြခဲ့သည်။ ၁၉၅၄ ခု၊ အထက်တန်းကျောင်းသားဘဝတွင် မေ့ပင်အောက်က ထွက်ခဲ့ပါ ဝတ္ထုကို အောင်စိုး (အညတရ) အမည်နှင့် ရေးကာ စာပေနယ်သို့ ရောက်သည်။ ၁၉၇၄ ခု၊ ဇူလိုင်လထုတ် ပြစ်မှု မဂ္ဂဇင်းတွင် ဆားပုလင်းနှင်းမောင်နှင့် ဂျူးမျက်လှည့်ဆရာ သတ်မှု ကို အောင်သင်း ကလောင်နှင့် ရေးသည်။ မနုစာရီ လုံးချင်းကို စရေးမှသာ မင်းသိင်္ခ အမည်ကို ခံယူသည်။

မကွယ်လွန်မီ နောက်ဆုံးထွက်ခဲ့သည့်စာအုပ်များမှာ မကွယ်လွန်မီတစ်လခန့်က လာဘ်မိုးဆွေစာအုပ်တိုက်မှ မြရာရွှေပြည်မင်းသမီး လုံးချင်းဝထ္တု၊ မရမ်းတလင်းစာအုပ်တိုက်မှ ယတြာချေနည်းစာအုပ်၊ ပြုံးပန်းတရာစာအုပ်တိုက်မှ ထီထိုးနည်း စာအုပ်များ ဖြန့်ဝေခဲ့ပြီး ဆက်လက်ထုတ်ဝေရန် စာပေစိစစ်ရေးမှ ခွင့်ပြုသည့်စာအုပ်များ ကျန်ခဲ့သေးသည်။

၁၉၇၆ မှ ၂၀၀၈ ခုနှစ်အတွင်း လုံးချင်းစာအုပ် စုစုပေါင်း အုပ်ရေ (၁၀၀) ကျော်ရေးသား ထုတ်ဝေခဲ့သည်။

0 Reviews